Франциянинг «ПСЖ» клуби ҳимоячиси Тиаго Силва яна бир маротаба Каталониянинг «Барселона» клуби қизиқишлари доираси тушмоқда.

31 ёшли футболчига яқин бўлган манбаларнинг айтишича, каталонияликларнинг қизиқишидан Силванинг ўзи ҳам хабардор қилинган. Бироқ парижликлар ўз сардорини қўйиб юбориши катта сўроқ остида. Бунинг учун Силванинг «ПСЖ» раҳбарларидан қўйиб юборишларини сўраши керак бўлади.

Қайд этиб ўтиш жоиз, «Барселона» биринчи марта Силвани 2012 йилда, футболчи ҳали Италиянинг «Милан» клуби сафида тўп сурган пайтлари сотиб олишни режалаштирганди. Бироқ футболчи «ПСЖ» кўпроқ пул таклиф қилгани боис француз клубини танлаганини билдириб ўтган. 2014 йилда каталонияликлар яна бир бор Силвани сотиб олишга уринишган, бироқ 50 миллион евролик таклиф жавобсиз қолганди.