ЎзМУ “даҳоча”лари

Жамият 27 Апрель 2016 1158

Инсон иқтидорини юзага чиқариш – буюк марраларни эгаллаш гаровидир.
Ўзбекистон Миллий университетида амалга оширилаётган янгиланиш дастурида белгиланган асосий вазифалардан бири – келажакда бутун дунёни лол қолдириши лозим бўлган олим ва кашфиётчиларни талабалик давридан тарбиялаш, уларни ҳар томонлама қўллаб-қувватлаш ҳисобланади.

Шу йил 25 апрель куни ЎзМУда ўтказилган йиғилишда йил бошида эълон қилинган турли танловларга тайёргарлик кўриш ҳолати муҳокама қилинди.

ЎзМУ Ахборот хизматидан хабар беришларича, айни пайтда олиб борилаётган тизимли ишлар натижасида жорий йилда ўтказилган халқаро олимпиадаларда иқтидорли талабаларимиз математика йўналишида 2 та олтин, кимё фани йўналишида 1 та кумуш ва 1 та бронза медалларини қўлга киритдилар.

Йиғилишда университет ректори Шуҳрат Сирожиддинов яқинда ташкил этилган “Ёш даҳолар мактаби” дея ҳазиломуз аталаётган ёш олимлар жамиятига 50 дан зиёд иқтидорли талаба жамланиб, уларга факультетлардаги турли илмий лабораторияларда илмий фаолият билан шуғулланиш имкониятлари яратилаётганини, бундай умидли ёшлар сафини янада кенгайтириш зарурлигини алоҳида таъкидлади. Уларни илмий тадқиқот ишларига йўналтириш учун эълон қилинган “Энг яхши инновацион ғоя” танловига тайёргарлик масаласига эътибор қаратилди.

Эслатиб ўтамиз, йил бошида эълон қилинган ушбу танлов ғолибларини қуйидаги мукофотлар кутмоқда:

5 та 1-ўринга – 1000000 (бир миллион) сўмдан пул мукофоти ва 1-даражали диплом;
10 та 2-ўринга – 500000 (беш юз минг) сўмдан пул мукофоти ва 2-даражали диплом;
20 та 3-ўринга – 250000 (икки юз эллик минг) сўмдан пул мукофоти ва 3-даражали диплом.

Шуни алоҳида таъкидлаш жоизки, ғолибликни қўлга киритган энг зўр ғоялар устида илмий тадқиқот олиб бориш учун ЎзМУ гранти таъсис этилиб, 10 миллион сўмгача маблағ ажратилади!

Йиғилишда, шунингдек, таълим-тарбия сифатини янада оширишга қаратилган танловлар, хусусан, “Энг яхши малакавий битирув иши”, “Энг яхши магистрлик диссертацияси”, профессор-ўқитувчилар ўртасида “Энг яхши инглиз тили ўқитувчиси” танловлари, Ўзбекистон Республикаси Президенти ва бошқа номдор стипендиялар танловига талабаларнинг ҳозирлик кўриш жараёнлари жиддий таҳлил қилинди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18534 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71418 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59077 Жамият
ЕЧЛ-2017/18 қуръасида саватчалар таркиби қандай бўлади?
15:04 52 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 2327 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 361 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар