Франциянинг «Пари Сен-Жермен» клуби 2015 йил якунлари бўйича топган даромади рақамлари маълум бўлди.

Bloomberg портали берган маълумотга кўра, парижликларнинг даромади миқдори 484 миллион еврони ташкил қилган. Бу даромад бўйича иккинчи кўрсаткичдаги «Монако»нинг даромадидан 4 мартага кўпроқ (117,4 млн) деганидир.

Бундан ташқари, «ПСЖ»нинг даромади Биринчи Лигада иштирок этувчи 14 жамоанинг умумий даромадини қўшиб ҳисоблаганда ҳам уларникидан кўпроқни ташкил қилган.

Шу билан бирга «Пари Сен-Жермен» даромадининг катта қисми, 205 миллион евро «бошқа маҳсулот» сифатида қайд қилинган. Bloombergнинг қайдларига кўра, гап жамоанинг Қатар туризм вазирлиги билан ҳомийлик шартномаси эвазига топиладиган 205 миллион евро ҳақида кетмоқда.

Пойтахт жамоасининг ойлик маош жадвали ўтган йили 254,9 миллион еврони ташкил қилган. Бу мазкур кўрсаткич бўйича 2-ўринда турган «Марсель»нинг ойлик ҳисобидан 2,5 баравар кўпроқ деганидир.

Қайд этиб ўтиш жоиз, Франция клубларининг умумий даромади 1,4 миллиард еврони ташкил қилган, «ПСЖ» чиқариб ташлаб қолган 19та жамоанинг даромадларини ҳисоблаганда бу кўрсаткич 941 миллион еврони ташкил қилади.