Сурия президенти Башар Асад Дамашқда АҚШ сенатори Ричард Блэк билан учрашув ўтказди, деб хабар бермоқда SANA ахборот агентлиги.

Таъкидланишича, учрашув давомида Суриядаги вазият, террорчиликка қарши кураш муҳокама қилинган.

Асад учрашувда дунёнинг турли бурчакларида террорчиларнинг ҳаракат қилиши террорчиликнинг чегаралари йўқлигини исботлашини таъкидлаб ўтди. У нафақат террорчиликка қарши ҳарбий усуллар билан курашда, балки террорчиликни "суғорадиган" ваҳобийлик ғояси билан ҳам курашда халқаро ҳамкорлик зарурлигини тушунтирди.

Блэк АҚШ маъмурияти аъзолари томонидан қўлланадиган алдовга қарамасдан, АҚШ халқига Сурияда юз бераётган асл вазиятни кўрсатиш кераклигини таъкидлаб ўтди.

Сенатор Суриядан иқтисодий санкцияларни олиш кераклигини, чунки улар халқаро ҳуқуқни бузишини айтди.

Аввалроқ Сурия ташқи ишлар вазирлиги мамлакатга 150 америкалик ҳарбий келгани ҳақидаги хабарлар сабабли хавотир билдирди.