Санкт-Петербургда ҳукм чиқарувчилар суди бир овоздан Вячеслав Финогеновни Coca-Cola заводи директори Дмитрий Сошневнинг қотиллигида айбдор деб топди, деб хабар бермоқда "Интерфакс" ахборот агентлиги.

"Ҳукм чиқарувчилар бир овоздан айблов ҳукмини чиқардилар. Судланганлардан бири Денис Чхитаури айбловнинг гиёҳванд моддаларни сақлаш қисми бўйичагина оқланди", деб маълум қилинди суд матбуот хизматида.

Таъкидланишича, Сошнев Чхитауридан гиёҳванд модда харид қилиб юрган ва қотиллик куни у билан учрашув белгилаган.

Тергов тахминига кўра, 2014 йил ноябрида Финогенов ва Чхитаури алдов йўли билан Сошневга гаражлар олдида учрашув белгилаган. У ерда Финогенов Сошневга ов қуроли обрезидан ўқ узиб, уни ўлдирган.

Айбланувчилар воқеа жойидан Сошневга тегишли бўлган 160 минг рубль, "БМВ" автомобили ва унинг ҳужжатларини ўғирлаб кетишган. Жиноятчилар автомобилни бир миллионга сотмоқчи бўлишган.