«Атлетико» жамоаси бош мураббийи Диего Симеоне ЕЧЛнинг яримфиналида «Бавария»га қарши кечган ва 1:0 ҳисобидаги ғалаба билан якунланган ўйиндан кейинги таассуротлари билан ўртоқлашди.

«Биринчи бўлимни ўзимиз режалаштирганимиздек ўтказдик. Иккинчи бўлимдан рақиб жуда катта устунликка эга бўлди аммо биз ҳимояда ишончли ҳаракат қилдик.

Ҳамиша гол уришни истайсан, аммо гол қулай вазият юзага келганда урилади. Саулнинг голи– катта маҳоратдан дарак, унинг ўйини кундан-кунга ривожланмоқда, бу эса ажойиб.

Ўйлайманки, қарама-қаршилик тақдири очиқлигича қолмоқда. Жавоб ўйинида мезбон мухлислар «Бавария»ни қўллаб-қувватлаб туришади, аммо сафар ўйинида ҳам гол уриш учун имкониятларимиз бўлади.

Бугун бўлгани каби иккинчи ўйинда ҳам тенг курашлар гувоҳига айланмиз. Ким ўз вазиятларидан фойдалана оларкан кўрамиз», – дейди Симеоне.

«Бавария» – «Атлетико» жавоб учрашуви 3 май куни Мюнхендаги «Альянц Арена» стадионида бўлиб ўтади.