Марк Цукербергга тегишли Facebook компанияси 2016 йил биринчи квартал учун фойданинг кескин ўсганини маълум қилувчи ҳисоботини эълон қилди. Бу ҳақда The Wall Street Journal хабар бермоқда.

Компаниянинг соф фойдаси 1,51 миллиард долларни ташкил этди. Бу ўтган йил шу давр кўрсаткичларидан деярли 2 баробар кўп.

Биринчи чорак умумий даромади ҳам аналитикларнинг прогнозларидан ортиқ - бир ярим баробардан кўпроққа: 3,54 дан 5,38 миллиард долларга ошди.

Компанияга асосий даромадни реклама келтирмоқда, ўтган давр мобайнида асосан ижтимоий тармоқлардаги мобил илова фойда олиб келди. Келгусида ҳам, айниқса, Instagram тармоғидаги рекламалар ҳисобига ўсиш кутилмоқда.

Ҳисобот чоп этилгач, Facebook акциялари 9,5 фоизга кўтарилди.