Ислом тараққиёт банки Қозоғистонга давлат кафолати остида сув хўжалиги соҳасидаги лойиҳаларни амалга ошириш учун 300 миллион доллардан ортиқ маблағ тақдим этади. Бу ҳақда ТАСС хабар бермоқда.

Ушбу келишув Ислом ташкилоти Бош Ассамблеясининг озиқ-овқат маҳсулотлари хавфсизлиги бўйича таъсис мажлиси давомида имзоланди.

Ҳужжатни республика қишлоқ хўжалиги вазири Асилжон Маҳмудбеков ва ИТБ президенти Аҳмад Муҳаммад Али Ал-Маданий имзолади.

Қишлоқ хўжалиги вазирлиги матбуот хизмати маълумотларига кўра, сув таъминотини яхшилаш лойиҳаси доирасида Олма-Ота вилоятида 15та аҳоли яшаш пунктларида умумий узунлиги 680 километрли оқава суд қувурлари қурилиши режалаштирилган. Ушбу мақсадларда 75,3 миллион доллар маблағ сарф этилади.

Кейинги “Қозоғистон Республикасида ирригацион ва дренаж тизимни реконструкция қилиш” лойиҳаси эса 235 миллион доллар деб баҳоланмоқда.