Сурияда Пальмиранинг озод этилиши учун жангларда қаҳрамонларча ҳалок бўлган россиялик лейтенант Александр Прохоренконинг жасади топилди. Ҳарбийнинг жасадини маҳаллий курдлар топишган.

Курд айирмачилари ҳарбийнинг жасадини Россияга топширдилар.

"Курд халқи мудофааси отрядлари Россия ҳукумати илтимоси билан Тадморда ўлдирилган россиялик ҳарбийнинг жасадини олишга муваффақ бўлишди. Бунга улар ва ИШИД ўртасида олиб борилган музокаралар ёрдамида эришилди. Бу махсус операция гуманитар мақсадларда амалга оширилди. Жасад Россия ҳукуматига топширилди", деб айтди РИА “Новости” ахборот агентлигига курд "Халқ мудофааси отрядлари" вакили Ридур Халил.

Халилнинг айтишича, қаҳрамоннинг жасади Россияга етказилган.

Зобитнинг ўлими ҳақида 24 мартда маълум бўлди. Прохоренко наводкачи бўлган ва рус авиациясига террорчиларнинг манзиллари ҳақида кўрсатмалар бериш билан шуғулланган. У бир неча ҳафта якка ҳолда Пальмира ҳудудида ишлаган ҳамда Россия ҳарбий-коинот кучларига террорчилар жойлашган ҳудудлар ҳақида ахборот берган. Зобит ўз вазифасини бажараётган онлардан бирида террорчилар қуршовига тушиб қолган. Лейтенантга фақатгина асирга тушишгина қолган, бироқ у асирга тушишни истамай, ўзига авиация зарбасини чақиртирган ва шу тариқа ўз ҳаётидан кечган ҳолда уни қуршаб олган террорчиларнинг йўқ қилинишига сабаб бўлган.    

Бу қаҳрамонлик бутун дунёни лол қолдирди. Хорижий ОАВлар 26 ёшли зобитни "рус Рэмбоси" деб атай бошладилар. Россия президенти Владимир Путин фармони билан Прохоренкога ўлимидан кейин Россия Қаҳрамони унвони берилди.