Бельгиялик олимлар лимонен қўшимачаси ёрдамида таъми ва тузилиши бўйича одатий шоколаддан қолишмайдиган “ёғсизлантирилган” шоколад олиш мумкинлигини аниқлашди. Тадқиқот Journal of Agricultural and Food Chemistry журналида чоп этилган.

Шоколаднинг фойдали жиҳатларига қарамасдан унда ёғлар миқдори кўп. Оддий юз граммли шоколад (45-59 фоиз какао) таркибида 30 грамм ёғ бўлиши мумкин. Шоколад бу қадар ёғли бўлмаслиги учун какао-ёғлар миқдори камайтирилади. Бунинг оқибатида майдаланган какао, шакар ва какао-ёғлардан таркиб топган шоколад массаси ёпишқоқ бўлиб қолади ва қотиши қийинлашади.

Аввалги тадқиқотлар шуни кўрсатадики, цитрус мевалар эфир мойларида топилган лимоненнинг қўшилиши шоколад массасининг ёпишқоқлигини камайтиради ва шоколад таркибига ҳам таъсир этади.

Бельгиянинг Левенский католик университети олимлари лимонен қўшилган ҳолатда какао-мойнинг қотиш – кристаллизация жараёнини ўрганишди. Маълум бўлишича, 17 С даражада лимонен мойнинг кристализациясини ва унинг шоколаднинг нозик таъмини таъминловчи “бета” тузилмасига ўтишини тезлаштиради.