АҚШ президенти лавозимига номзод Дональд Трамп ИШИД террорчилик гуруҳи яқин орада яксон қилинишини айтди, деб хабар бермоқда CNN телеканали.

"Менда уларга оддий мурожаат бор. Уларнинг куни битди. Мен уларга бу қачон ва қандай юз беришини айтмайман", деб таъкидлаб ўтди Трамп.

Трампнинг фикрича, АҚШга ИШИД билан курашдаги ҳаракатларида "айёрлик" етишмаяпти.

"Улар йўқ бўлади. Агар мени президент этиб танласалар, ИШИД яксон бўлади. Ва бу жуда тез юз беради", деб қўшимча қилди Трамп.

Аввалроқ ИШИД террорчилари Трампнинг тасвиридан Бельгиядаги ҳужумлар ҳақидаги янги видеода фойдаланганди.