28 апрель куни Туркия артиллериясидан Суриядаги ИШИД жангарилари позициялари бўйлаб ўт очилган. Haberler портали хабарида маълум қилинишича, Жараблус шаҳри яқинидаги ҳудудга берилган зарбалар туфайли 11 нафар жангари ўлдирилган.

Артиллерия зарбалари Туркиянинг Газиантеп вилояти ҳудудидаги Каркамиш уездидан туриб йўлланган. Бундан олдинроқ, бу ҳудудга Жарбалусдаги жангарилар томонидан миномёт зарбалари йўлланганди. Снарядлардан бири Туркия қуролли кучларига тегишли ўзиюрар гаубицага келиб теккан. Шундан сўнг, дрон орқали разведка ишлари амалга оширилиб, аниқланган ҳудудга жавоб ҳужуми уюштирилган.

Снарядлар келиб тушиши натижасида Туркия ҳудудида жабрланганлар борлиги ҳақида маълумот йўқ.