Каталониянинг «Барселона» клуби ҳимоячиси Хавьер Маскерано фаолиятини Хитой чемпионатида давом эттиришни истамади.

El Mundo Deportivo берган хабарга кўра, маҳаллий клублардан бири тез орада 32 ёшга тўладиган аргентиналик футболчи учун имижидан фойдаланиш ҳуқуқи ҳам киритилган 50 миллион евролик шартнома таклиф қилган, бироқ Маскерано бу таклифга рад жавобини берган.

Маълумот учун, футболчининг «Барселона» билан амалдаги шартномаси 2018 йилнинг ёзига қадар мўлжалланган.