28 апрелдан 29 апрелга ўтар кечаси Москвада 9 майда ўтказиладиган Ғалаба парадининг биринчи репетицияси ўтказилди. Техника Тверской кўчасидан ўтгандан кейин, ижтимоий тармоқларда воқеа гувоҳлари томонидан олинган юзлаб суратлар чоп этилди.  

Москва кўчаларидан бир неча соат ичида Т-34-85, Т-90 ва Т-14 "Армата" танклари, "Курганец" пиёда ҳарбий машиналари, "Мста-С" ўзиюрар гаубицалари, "Бук-М2" зенит-ракета мажмуалари ва бошқа ҳарбий техника ўтди. 

Журналистларга шу куни Ғалаба байроғи олиб чиқилиши, парад расчётлари томонидан Россия мудофаа вазирининг қаршиланиши, пиёда парад расчётларининг тантанали марши ва ҳарбий техника ўтиши намойиш қилинди.  

Тайёргарчилик туфайли метро ишида вақтинчалик чекловлар киритилди, ер усти транспорти ҳаракати тўсилди. Яна иккита тайёргарчилик 5 майда ўтади, бош репетиция эса 7 майга белгиланган. 

Ғалаба куни парадда 128 та ҳарбий техника бирлиги ва 10 мингга яқин ҳарбий иштирок этади. Парад ўтадиган майдон узра бу йили Ғалабанинг 71 йиллиги нишонланиши муносабати билан умумий ҳисобда 71 та самолёт ва вертолёт учиб ўтади.