Oppo ўтган йилги кўрсаткич (7,3 миллионта смартфон)га нисбатан 2016 йилнинг биринчи мавсумида савдодаги 150 фоизли ўсиш билан (18,5 миллионта смартфон) ўз рекордини қайд этди ва IDC маълумотига кўра, биринчи маротаба энг талабгир смартфон брендлари бешталигидан ўрин эгаллади. Орро учта гигант компаниялар - Samsung, Apple ва Huawei’дан кейин фахрли тўртинчи ўринни забт этди. Oppo иккита янги F серияли қурилмалари туфайли мавсумда энг кўп сотилган смартфонлар қаторидан жой олди.

F1 ва F1 Plus смартфонларининг дизайни ва фотоимкониятлари учун жуда кўп ижобий фикрлар билдирилган. Plus-талқинда 16-мегапикселли f/2,0 апертурага эга олд камера ва 13-мегапикселли f/2,2 диафрагмага эга бўлган асосий камера жойлашган. Айнан шу кўрсаткичлар сифатли селфи ишқибозлари кўнглини забт этди.

IDC ва Sino-MR маълумотига кўра, Oppo F1 ва F1 Plus Хитойдаги смартфонлар оффлайн-савдосининг 48,2 фоизини ташкил этди.

2015 йилда Oppo саккизинчи ўринни эгаллаган ҳолда энг машҳур смартфон брендлари рўйхатининг кучли ўнталигидан жой олган эди. Йил сўнгига келиб, компания ўзининг савдодаги сезиларли кўрсаткичлари билан барчани лол қолдирди: 50 миллионта қурилмалар сотилди. 2016 йилнинг бошида компания даромадининг кескин ўсишини ҳисобга олган ҳолда айтиш мумкинки, шу зайлда Oppo энг юқори чўққини ҳам забт эта олади.