Россия президенти Владимир Путиннинг Хитойга ташрифи 2016 йилнинг июнь ойида бўлиб ўтади. Бу ҳақда 29 апрель куни Россия ТИВ раҳбари Сергей Лавров хитойлик ҳамкасби Ван И билан ўтказилган учрашув пайтида айтиб ўтган.

«Биз Хитой Халқ Республикаси раиси Си Цзиньпин билан бўладиган учрашувни олий даражада ўтказишни келишиб олдик. Икки мамлакат раҳбарлари ўртасидаги учрашув жорий йилнинг июль ойида бўлиб ўтади», — деди Лавров.

Унинг қўшимча қилишича, Хитой ТИВ раҳбари билан кечган учрашувда турли соҳаларда, жумладан, юқори технологиялар соҳасида икки томон амалий ҳамкорлигига қаратилган ҳужжатлар кўриб чиқилган.