Таиландда жазирама туфайли 20дан ортиқ киши вафот этди

Жаҳон 29 Апрель 2016 946

Таиландда қайд этилган 40 даражали иссиқ ҳарорат 20дан ортиқ кишининг ўлимига сабаб бўлган. Бу хақда инфекцион хасталикларни назорат қилувчи департаментда маълум қилинган.

Тиббиёт вакиллари маълумотига кўра, 1 мартдан 17 апрелга қадар қироллик ҳудудида 29 ёшдан 72 ёшгача бўлган 21 кишининг иссиқлик туфайли ҳалок бўлгани қайд этилган.

Таиландда апрель ойи одатда иссиқ кечади. Бу йил эса қироллик аҳолиси ҳар йилгидан кўпроқ азият чекмоқда: термометрлар устуни бир неча ҳафтадан буён Цельсий шкаласи бўйича 40 даража иссиқни кўрсатмоқда.

"Айтиш мумкинки, бу йил иссиқ ҳароратнинг давомийлиги бўйича 65 йиллик рекорд янгиланмоқда. Ҳали иссиқ мавсум тугагани йўқ", дейди журналистларга Таиланд метеорология департаменти вакили Сурапонг Сарап.

Унинг сўзларига кўра, энг юқори ҳарорат апрель ойида 44,3 даража кўринишида қайд этилган.

Мамлакат тарихидаги энг иссиқ ҳарорат эса 1960 йилда кузатилган, ўшанда термометр устуни 44,5 даражага етганди.

Синоптиклар май ойининг биринчи ярмида ҳаво илишини прогноз қилишган.

Иқлимшунослар буни «Эл-Ниньо» ҳодисаси билан боғлашмоқда. Бу ҳаво оқими Жанубий-шарқий Осиё мамлакатларига каттагина қурғоқчилик келтирмоқда. Тиббиёт ходимлари соғлиқ учун хавфли бўлган вақтларда ташқарига чиқмасликни тавсия этишмоқда. Энергетиклар эса энергияга танқислик юзага келиши эҳтимолидан огоҳлантиришган. Маҳаллий нашрларда ёзилишича, 26 апрель куни қиролликда бир вақтнинг ўзида электр энергиясига талаб ҳажми 29 минг МВт га етган.

Иссиқдан энг кўп азиятни Бангкок аҳолиси кўрмоқда. Мегаполиснинг шишали ва бетонли уйларида вазият қийинлашган. Шаҳарда иссиқдан жониворларнинг яшаши ҳам қийинлашган. Ҳайвонот боғидаги жониворларга музлатилган маҳсулотлар берилмоқда.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30076 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42352 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158808 Жамият
Кун.uz офис изламоқда
15:48 / 06.08.2017 45019 Lifestyle
Ла-лига. «Барселона» ғалаба билан бошлади
01:32 112 Спорт
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 769 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 417 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 1891 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 166 Спорт
Кўпроқ янгиликлар