Буюк Британиянинг Европа Иттифоқи таркибидан чиқиш эҳтимоли масаласига АҚШ катта қизиқиш билан аралашуви ҳайратланарли эмас, ахир Европа блоги лойиҳасининг бошида айнан Америка махсус хизматлари турган. Бу фикр The Telegraph нашрида эълон қилинди.

Мақола муаллифининг фикрига кўра, Давлат департаменти томонидан ошкор этилган ҳужжатлар Америка разведкаси ЕИ ташкил этилиши жараёнига ҳомийлик қилгани ва ушбу лойиҳага Буюк Британияни ҳам жалб этишга уринганини кўрсатиб турибди.

Масалан, 1950 йилнинг 26 июлида АҚШ генерали, ҳозирги марказий разведка бошқарманинг ўша пайтдаги аналоги раиси Уильям Донован имзолаган ҳужжатда Европарламентни ривожлантириш бўйича кампания хусусида сўз боради.

Маълум қилинган ҳужжатларда, шунингдек, марказий разведка бошқармаси Америкага тобелик камаймаслиги учун ЕИ асосчиларига бошқа иқтисодий манба излашга тўсқинлик қилган.

Муаллиф сўзлари бўйича, АҚШ ва ЕИ ўртасидаги муносабатларни беғубор дейиш қийин. Бироқ, унга кўра, ҳозир – ташқи хавф-хатар кучайган бир пайтда европаликлар Европа блогини сақлаб қолишга уриниши лозим.