АҚШ ва дунёнинг энг йирик нефть компанияларидан бири ExxonMobil Corp. 2016 йилнинг 1-чорагида 1999 йилдан бери энг пастки даромадни кўрсатди, деб хабар бермоқда IBT нашри.

Маълум қилинишича, компания даромадининг паст кўрсаткичлари нефть бозорида юз бераётган инқироз билан шартланган. Exxon матбуот баёнотига кўра, корпорациянинг январь-март ойларидаги соф фойдаси 3 марта тушиб, 1,81 млрд долларни ташкил қилди. 2015 йилнинг шу даврида корпорация 4,94 млрд доллар фойда олган.

Нашрнинг ёзишича, Exxon’нинг тушуми охирги 6 чоракдан бери камаймоқда. Охирги марта бундай қисқаришлар 2001-2002 йилда юз берганди.