Француз отасининг Фахрий легион орденини "рус Рэмбоси" оиласига туҳфа қилди

Жаҳон 30 Апрель 2016 3112

Сурияда ҳалок бўлган россиялик ҳарбий, хориж ОАВи томонидан "рус Рэмбоси" деб таърифланган Александр Прохоренконинг жасорати Франциянинг Агд шаҳрида яшовчи кекса эркакни шунчалик ҳайратлантирдики, у ҳарбийнинг оиласига оилавий ёдгорликни туҳфа қилишга қарор қилди.

80 ёшли Даниэль Кутюр Россиянинг Париждаги элчихонасига унинг отаси фашистларга қарши курашдаги иштироки учун тақдирланган Фахрий легион орденини юборди. 

"Мен Сурияда ўз ҳарбий бурчини бажараётганда умумий эркинлик учун ўз ҳаётини қурбон қилган ёш рус зобитининг хотирасини ёд этмоқчиман. Александр Прохоренко русларни ҳам, французларни ҳам, бошқа давлатлар одамларини ҳам террорчилик хавфидан ҳимоя қилган ва мен унинг яқинларига Францияда уларнинг қайғуларига ҳамдард эканликларини етказиб қўйишни сўрайман", деб мактуб битди Кутюр Россия элчиси Александр Орловга.

Кутюр унинг мамлакати президенти рус зобитини тақдирлаши кераклигини айтди, деб хабар бермоқда ТАСС ахборот агентлиги.

Катта лейтенант Александр Прохоренко 17 мартда Сурияда жанговар вазифани бажараётганда қаҳрамонларча ҳалок бўлган. У террорчилар қуршовида қолганда, уларни йўқ қилиш учун ўзига авиация зарбасини чақиртирган.

Фахрий легион ордени француз миллий ордени ҳисобланиб, 1802 йил 19 майда Наполеон Бонапарт томонидан таъсис этилган. Орден Франциянинг энг олий, фахрий унвони ҳисобланиб, унинг соҳиблари Франция олдидаги алоҳида хизматлари учун тақдирланадилар.   

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 44840 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15233 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95031 Ўзбекистон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 11 Жаҳон
Европада Барселонадаги терактлардан кейин хавфсизлик чоралари кучайтирилди
08:01 83 Жаҳон
Барселона яқинида яна бир теракт амалга оширилди
07:08 1190 Жаҳон
Барселонадаги теракт учун жавобгарликни ИШИД ўз зиммасига олди
07:03 1333 Жаҳон
Хитойдаги кимё заводида кучли портлаш юз берди
00:33 2865 Жаҳон
Кекса немис Исландияга эски тракторда саёҳатга жўнади
00:24 1839 Жамият
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 3175 Жаҳон
Кўпроқ янгиликлар