Болаликдан воз кечолмайдиганлар офиси

Lifestyle 01 Май 2016 3960

Дунёда шундай ишхона борки, у ерда ишлайдиганларнинг уйга кетгилари келмайди. Шинам офис, пинг-понг, ўйин приставкалари! Ишнинг ўзи эса сафар қилишл билан боғлиқ. Бу Лондондаги Expedia офисидир.

Компания иш қидириш бўйича Glassdoor сайтининг энг яхши иш берувчилар рейтингида биринчи ўринни эгаллади. Бу бежизга эмас: Expedia ходимлар ўзларини бахтли сезишлари учун барча имкониятларни ишга солади. Масалан, бу ерда 12 ойдан ортиқ ишлаганлар учун компания саёҳат учун сарфланадиган 6-10 минг фунт стерлинггача харажатларни ўз ҳисобидан тўлайди.

Офис томида кенг айвон жойлашган бўлиб, бу ерда оқшом зиёфатлари ўтказилади, бир нечта бепул барлар ва суҳбатлашиб ўтириш ҳамда ҳордиқ чиқариш учун майдончалар мавжуд.

Ташқаридан қараганда Expedia офиси Лондондаги бошқа бинолардан мутлақо фарқ қилмайди.

Лекин ичкарида бутунлай бошқача манзарага гувоҳ бўласиз.

Қабулхона деворларига компания ходимларининг таътил давомида олинган суратлари илинган. Ходимлар 14 минг долларгача етувчи бонуслар ҳисобига саёҳат қилиш имкониятига эга бўладилар.

Ичкарида аксарият юқори технологияли компанияларда бўлгани каби пинг-понг ва кикер бор.

Бу ерда Steam ўйин платформаси асосидаги «Формула-1» симуляторлари ҳам ўрнатилган.

Ўйин консолларини ёқтирувчилар Sony Playstation ва Xbox қурилмаларида ўйин ўйнашлари мумкин.

Техник директор Лиз Эстоунинг айтишича, компанияда катта болалар учун ўйин муҳитини яратишга ҳаракат қилинади.

Ходимлар ҳаттоки офис бўйлаб кекс ва ичимликлар тарқатишга мўлжалланган GPS-навигаторли трамвайча ҳам ясашган. Лиз Эстоунинг сўзларига  кўра, унинг ҳамкасблари трамвайча олдига боришга эринишади, шунинг учун унга махсус сенсорлар ўрнатиш устида иш олиб боришмоқда. Шунда трамвай деворларни «кўра» олади ва уни iPhone ёрдамида бошқариш мумкин бўлади.

Офиснинг энг диққатга сазовор томонларидан бири томдаги улкан айвондир.

«Ёз фаслида том устидаги айвонда ўтириш роҳат», — дейди ходимларни танлаш бўйича маслаҳатчи Кон Марни.

«Бир ойда бир марта пайшанба куни биз кеч соат бешдан етти яримгача айвонда йиғиламиз. Бу ер суҳбатлар ўтказиш учун аъло жой», — дейди Марни.

«Бу ерда бир кунда ўн соатлаб ишламайсиз. Истасангиз, пинг-понг ўйнашингиз мумкин. Хаёлингизни бир жойга йиғиш учун айвонда ўтиришингиз мумкин».

Лиз Эстоунинг айтишича, Expediaда жудаям очиқ муҳит ҳукм суради. «Бу ерда аёл ёки эркаклигингизнинг аҳамияти йўқ. Бу ерда ҳар бир кишининг айтган гапига қулоқ солинади, ҳар бир ходим компания равнақига ўз ҳиссасини қўшишга интилади».

Тушлик қилинадиган столлар устига планшетлар ўрнатилган.

Албатта, бу ерда фақатгина ўйин ўйнашмайди. «Менимча, биз халқаро компания бўлганимиз боис энг мураккаб иш тунда ҳам телефон орқали мулоқотлар ўтказишдир», — дейди Марни.

«Мен эрталабки соат бешда ҳам, тунги ўн бирда ҳам телеконференцияларда иштирок этганман ва бу осон эмас. Иккинчи томондан, бу ерда иш вақти чегараланмаган», — дея қўшимча қилади Марни.

Барча мулоқот хоналари ёрқин рангларда ва ҳар бири ўзига хос безатилган.

Техник директор Лиз Эстоу халқаро компанияда ишлаш ҳам ижобий, ҳам салбий тарафларига эга деган фикрда. «Менинг ишимнинг энг ёмон томони – бу соат минтақаларининг ўзгариши. Баъзида сафардан қайтиб келиб эрталабки соат учда уйқуга ётган пайтларим бўлган».

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 29205 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42122 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158132 Жамият
Кун.uz офис изламоқда
15:48 / 06.08.2017 44870 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 88 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 1 Спорт
Эрдўған Ғарбнинг Яқин Шарқдаги сиёсатини танқид остига олди
00:02 228 Жаҳон
RAMADA меҳмонхонасида Ҳинд таомлари фестивали ўтказилди
23:52 / 20.08.2017 150 Жамият
Видео: Моғор организмингизга тушса, нима бўлади?
23:32 / 20.08.2017 2623 Lifestyle
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 2559 Жамият
Кўпроқ янгиликлар