Трамп Калифорнияда унга қарши норозилик намойишларини жиноятчилар уюштирганини таъкидламоқда

Жаҳон 01 Май 2016 62774

АҚШ президенти лавозимига номзод, миллиардер Дональд Трамп охирги кунларда унга қарши Калифорнияда бўлиб ўтган намойишларни жиноятчилар уюштирганига ишончи комиллигини айтмоқда. Трамп бу ҳақда ўзининг твиттерида маълум қилди, деб хабар бермоқда ТАСС ахборот агентлиги.   

"Калифорниядаги намойишчилар каллакесарлар ва жиноятчилар эди. Улардан кўпи профессионал жиноятчилар. Ҳуқуқ-тартибот муассасалари улар билан қаттиққўл бўлишлари керак", деб айтди Трамп.   

26-27 апрель кунлари Калифорния штатининг турли шаҳарларида юзлаб намойишчилар Трампнинг сиёсатига қарши чиқдилар. Трампнинг чиқишидан кейин Коста-Меса шаҳрида тартибсизликлар бошланган, 20 га яқин одам ушланган. ОАВ маълумотларига кўра, норозилар Трампнинг миграция сиёсатига қарши чиққанлар. Улардан баъзиларида Мексика байроқлари бўлган. 

Тадбиркор ўзининг нутқларида агар президент бўлса, АҚШ ва Мексика ўртасида девор қуришга ваъда бериб келади.

Трампнинг айтишича, ушбу деворнинг қурилишига Мексика ҳақ тўлайди, акс ҳолда мексикалик меҳнат муҳожирларининг Мексикага пул ўтказмалари тўсиб қўйилади.

Калифорния сайловолди пойгасида муҳим аҳамиятга эга. Бу штатда 7 июнда бирламчи сайловлар бўлиб ўтади, унинг натижаларига кўра Кливлендда республикачилар қурултойида 172 делегат кимнинг номзодини қўллаб-қувватлаши аён бўлади. Бу сиёсий форумда Республикачилар партиясидан АҚШ президенти сайловида ким иштирок этиши ҳал қилинади. Ҳеч қайси бир штат номзодга Калифорниядан кўра кўпроқ делегатлар овозини бера олмайди.

Кун янгиликлари
Ғайриқонуний ҳукм ёхуд суд устидан кимга шикоят қилиш керак?
09:52 / 21.07.2017 29386 Жамият
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 91057 Жамият
Пентагондагилар Россия ва Эрон Сурияда рақобат бошлаши ҳақида айтишди
11:25 619 Жаҳон
АҚШ Сенати Москва, Теҳрон ва Пёнгянгга қарши ягона санкцияни қўллаб-қувватламаслиги мумкин
11:15 661 Жаҳон
Пентагон: Асад ҳарбийлари кимёвий қурол қўлламаяпти
11:00 1079 Жаҳон
Макрон французлар ишончини йўқотмоқда
10:45 2061 Жаҳон
Ўзбекистонда киберспорт йўналишида профессионал жамоалар тузиш учун саралаш турнирлари ўтказилади
10:30 1229 Спорт
Сурия армияси Фротнинг жанубий қирғоғига чиқди
10:15 1945 Жаҳон
Ўзбекистон ҳарбийлари Халқаро армия ўйинларида иштирок этиш учун Хитойга етиб борди
Ғазо секторидан Исроилга ракета учирилди
09:45 2590 Жаҳон
Кўпроқ янгиликлар