Аввал Афғонистоннинг Гильменд вилоятида толибларга қарши жангларда британ армиясига хизмат кўрсатган афғонистонлик таржимон муҳожир Нангиалай Довудзой ўз жонига суиқасд қилди. Унинг бундай қилишига Буюк Британия иммиграция идораларининг унга бошпана беришни рад этгани сабаб бўлган. 2 майда The Times газетаси сайтида маълум қилинганидек, афғоннинг жасади Бирмингем яқинидаги Уэст-Бромиж шаҳарчасида аниқланган. Воқеанинг қолган тафсилотлари келтирилмаган.

"Довудзойнинг сиёсий бошпана олиш илтимоси у Европага келгандан кейин Италияда бармоқлари излари олингани маълум бўлгандан кейин рад этилган. У айнан Италияда бошпана олишни сўраши кераклиги айтилган ", дейилмоқда нашр хабарида.

Таъкидланишича, ўзининг давлатидан Буюк Британияга осон бўлмаган йўлни босиб ўтган Довудзойга Италияда бўлгани сабабли рад жавоби берилгани ҳақида хабар келганда у Бирмингемдаги хостелда ҳукуматнинг унинг илтимосига берадиган жавобини интиқлик билан кутиб ўтирган бўлган. "У ҳибсга олинган ва унинг ҳужжатлари расмийлаштирилиш вақтида  унга хостелга қайтишга рухсат беришдан аввал у муҳожирларни вақтинчалик сақлаш марказига 18 кунга жойлаштирилган", деб ёзмоқда нашр. 

Нашр манбаларининг таъкидлашича, таржимон тушкунликка тушиб қолган, энди унинг ҳаётига жиддий хавф таҳдид қилаётгани, бироқ бу ҳеч кимни ташвишлантирмаслиги ҳақида гапира бошлаган. "У Буюк Британия унга ёрдам беришига ишонган, чунки у аввалроқ британияликларга ёрдам берган. Энди у иложсизликдан ўзининг жонига қасд қилди", деб марҳумнинг ҳамкасби, яна бир афғон таржимони Рафининг сўзларини келтирмоқда Daily Mail нашри.

Бу нашр маълумотларига кўра, британ қўшинлари билан ишлаган камида яна бошқа 3 афғон таржимони шу сабабларга кўра, яъни улар Буюк Британияга келишларидан аввал Европа Иттифоқининг бошқа давлатларида бармоқлар изларини олдирганлари сабабли рад жавобини олганлар. "Бу одамлар бир неча йиллар давомида фронтда бўлганлар. Уларга нисбатан қилинган адолатсизлик ҳисобга олинса, унда ким келажакда британиялик аскарларга таржимонлик хизматларини таклиф қилгиси келади?", деган саволни кўтарди таниқли британ сиёсатчиси, Либерал демократлар партияси асосчиси Пэдди Эшдаун.