Испаниянинг Ла-Эскала шаҳри яқинидаги соҳилда сайёҳлар тунец балиғининг янглишиб, қушни ютиб юборишига оз қолгани тасвирланган ғаройиб видеони суратга олишди. 

Бир гуруҳ кишилар йирик балиқни сардиналар билан озиқлантиришаётган эди. Бироқ сув атрофидан учиб ўтаётган қуш балиққа берилаётган егуликни бурни ёрдамида олиб кетишга ҳаракат қилди.

Нима бўлаётганини тушунишга улгурмаган тунец сардинага қўшиб қушни ҳам тутиб олди. Қушнинг бахтига, орадан бир неча сония ўтгач, тунец бемаза қушни туфлаб юборган.  Пайтдан фойдаланган қуш эса сув юзасига сузиб чиққан ва учиб кетишга муваффақ бўлган.