Қозоғистонда нефть фаввораси отилди

Жаҳон 02 Май 2016 66059

Қозоғистоннинг Манғистау вилоятида нефть конларидан бирида хомашё отилиб чиқиши оқибатида ўзига хос нефть фонтанини кузатиш имкони пайдо бўлди. Ушбу ҳодиса акс этган видеолавҳалар интернет тармоғида пайдо бўлди.

Уни YouTube сайтининг Бека Казах каналида кўриш мумкин. Роликка қолдирилган изоҳда айтилишича, воқеа Жанаозен шаҳри яқинидаги нефть конида юз берган.

Авария вақтида фаввора баландлиги 10-12 метрларга етган. Хабарларга кўра, ҳалокат жойида "КЕЗБИ" ташкилоти ишчилари фаолият кўрсатаётган бўлган.

Ҳозирча, ҳодиса қамрови ва нефть оққан майдон хусусида маълумотлар мавжуд эмас.

Кўпроқ янгиликлар