Шимолий Кореянинг Ким Ир Сен номидаги етакчи университетининг 70 йиллиги муносабати билан ташкил этилган халқаро конференцияда бир гуруҳ Нобель мукофоти совриндорлари ҳам иштирок этди.

Тинчлик — "бу вақт, эътибор ва барча манфаатдор томонлар иштирок этишини талаб қиладиган жараёндир", — дейди Вена халқаро тинчлик фонди асосчиси Уго Моравец. Унинг маълум қилишича, Норвегия, Исроил ва Британия фуқаролари бўлмиш Нобель совриндорлари Финн Кидланд, Аарон Чехановер ва Ричард Робертс Пхеньянга ташрифи доирасида маърузалар қилишади. Улар, шунингдек, КХДР пойтахтининг бир нечта Олий ўқув юртлари, Ким Ир Сен университети, Фан ва технологиялар институти, Ким Чак номидаги Технология университетида семинарлар ўтказишиб, талабалар билан мулоқотда бўлишади.

Моравецнинг айтишича, Тинчлик жамғармаси хайрия ташкилоти бўлиб, ЮНЕСКО билан ҳамкорликда Таиланд, Филиппин, Малайзия, Сингапур, Камбоджа ва бошқа давлатларнинг йирик университет ва мактабларида "Алоқалар ўрнатиш — Мулоқотдан тинчлик сари" дастурини амалга ошириб келади. Унда Нобель мукофотининг 48 нафар совриндори, жамоат арбобларининг катта гуруҳи, артистлар ва талабалардан иборат 180 мингдан ортиқ инсон қатнашади. 

Пхеньянда бўлиб ўтган тантанали маросимда, шунингдек, Лихтенштейн шаҳзодаси Альберт ҳам иштирок этган.