Суриялик қочқин қиз Бразилияда Олимпия машъаласи эстафетасида иштирок этади

Жаҳон 02 Май 2016 2497

Бразилияда Олимпия машъаласи эстафетасининг биринчи иштирокчиларидан бири суриялик қочқинлар оиласининг 12 ёшли фарзанди Хонон Холид Дакка бўлади. Бу ҳақда 1 майда Рио-де-Жанейрода бўлиб ўтадиган Олимпиада ташкилотчилари маълум қилдилар.

"Қиз ва унинг оиласи Суриянинг шимолидаги Идлибда, фуқаролик уруши гирдобида қолган ҳудудлардан бирида яшаганлар. Улар бир қанча муддатга Иорданиядаги қочқинлар қароргоҳига кўчиб ўтганлар, у ердан эса Бразилияга келганлар ва Сан-Паулуда жойлашганлар. Айни вақтда қизнинг онаси фарзанд кутмоқда ва Хонон ўзининг укаси ёки синглисининг туғилишини орзиқиб кутмоқда", деб айтилди "Рио-2016" ташкилий қўмитаси хабарида.

Олимпия ўйинлари ташкилотчилари Бразилияда Олимпия машъаласи эстафетасини очишга Бразилия аёллар волейбол жамоаси сафида икки марта Олимпия ўйинлари ғолиби бўлган Фабиане Клаудинони муносиб деб топдилар. "Бу жуда шарафли ва ҳаяжонли онлар. Мен бу тарихий воқеада иштирок этишдан фахрланаман", деб айтди таниқли спортчи, Пекин (2008) ва Лондон (2012) Олимпиадалари олтин медаллари соҳибаси.

Олимпия машъаласи эстафетаси 3 майда мамлакат пойтахти Бразилиада старт олади. Маҳаллий ҳукуматнинг фикрича, бу тадбирга 400 минг сайёҳ ташриф буюриши кутилмоқда. Машъала шаҳарга самолётда олиб келинади, аэропортдан эса у Бразилия президенти ишчи қароргоҳи – Планалту саройига олиб борилади. Машъалани Бразилия бўйлаб олиб ўтиш имкониятига 12 минг киши эга бўлади, улар 17 минг номзод ичидан танлаб олиндилар. Улар орасида таниқли спортчилар, Бразилия шоу-бизнеси вакиллари, талабалар ва ўз ҳаёти билан илҳомлонтирувчи одамлар бўлади.  

XXXI ёзги Олимпия ўйинлари 5-21 август кунлари Рио-де-Жанейрода бўлиб ўтади. Бу Олимпия ўйинлари Жанубий Америкада ўтадиган илк Олимпия ўйинлари бўлади. Паралимпиада бир неча ҳафта ўтиб, яъни 7-18 сентябрь кунлари шу ернинг ўзида бўлиб ўтади.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28842 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64948 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8154 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125455 Жамият
Бекободнинг 2035 йилгача мўлжалланган  бош режаси: Шаҳар қандай кўринишда бўлади?
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 730 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 1087 Жаҳон
Ўзбекистон Республикаси Олий суди турли миш-миш хабарларга раддия берди
Кўпроқ янгиликлар