Тошкент трамвайи тарихга айланди

Ўзбекистон 02 Май 2016 10092

2 май куни Тошкентда сўнгги, 17-трамвай йўналишида ҳаракат тўхтади. «Бешқайрағоч» даҳаси ва Ипподром ўртасида қатновчи бу йўналиш ёпилиши орқали Тошкент трамвайи бутунлай тарихга айланди.

«Газета.uz» нашрининг «Тошкент трамвайи» компанияси тасдиғига асосланиб хабар беришича Ўзбекистон пойтахтида трамвай ҳаракати бутунлай тўхтатилди.

2 май куни эрталаб трамвайлар қатновга чиққан, аммо вагонлардан бири рельсдан чиқиб кетгач, барча ҳайдовчилар депога қайтиш ҳақида кўрсатма олган. Вагонлардан бирининг қайси ҳудудда рельсдан чиқиб кетганига аниқлик киритилмаган.

Хабарда келтирилишича, соат 9:10да депога сўнгги вагон кирган ва Тошкент трамвайининг 115 йиллик тарихига нуқта қўйилган.

Эслатиб ўтамиз, Тошкент шаҳри ҳокимияти Тошкент шаҳридаги 6та трамвай йўналишлари фаолияти тўхтатилиши ҳақида март ойи охирида маълум қилганди.

12 апрель куни Тошкент шаҳрида №12 йўналиши («Бешқайроғоч» даҳасидан «Беруний» метросигача) ва №26 йўналиши («Қўйлиқ-6» дан «Тошкент» вокзалигача) бўйича ҳаракатланадиган трамвайлар ҳаракати тўхтатилди.

22 апрелдан эса Тошкент шаҳридаги 9- ва 13-трамвай йўналишларининг иши бутунлай тўхтатилди.

24 апрель, якшанба кунидан эътиборан Тошкентда 8-рақамли травмай йўналишида («Бешқайрағоч» даҳаси — Оқтепа майдони) қатнов тўхтади.

Шу ойдан бошлаб трамвайлар ҳаракатланган йўналишларда мос равишда Т8, Т9, Т13 каби автобуслар ҳаракати йўлга қўйилди. Бу йўналишларда Isuzu автобусларидан фойдаланилмоқда. Сентябрь ойи охиригача шаҳар ҳокимияти 80та шундай автобуслар сотиб олиб, ҳар бир йўналишга 10тадан 18тагача автоулов қўйишни режалаштирган.

«Хайр, трамвай. Балки вақти келиб қайтарсан, лекин барибир - хайр»

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 8721 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 42747 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 68985 Ўзбекистон
Кун.uz офис изламоқда
15:48 / 06.08.2017 40097 Lifestyle
КХДР Хитойдан озиқ-овқат маҳсулотлари импортини бир неча баробарга оширди
14:48 31 Жаҳон
Африканинг энг бой одами АҚШ ва Европага 50 млрд доллар сармоя киритади
14:46 299 Жаҳон
Мирзиёев Қозоғистон мудофаа вазири билан ҳарбий ҳамкорликни муҳокама қилди
Януковичга давлат томонидан тақдим этилган адвокат уни ҳимоя қилишдан бош тортди
13:32 2013 Жаҳон
Ўктам Барноев: Бухорода 500 дан ортиқ диний зиёрат қадамжолари бор
Хитой Россияга ўз ҳудудида янги АЭС қуришни таклиф қилди
13:07 2858 Жаҳон
Кўпроқ янгиликлар