O‘zbekiston Sog‘liqni saqlash vazirligi 1003 - yagona ishonch telefonini ishga tushirdi. Bu haqda vazirlikning saytida xabar qilindi.
Avval ushbu raqam Toshkentdagi Doctor Service klinikasining dispetcher xizmatiga tegishli bo‘lgan. Endi klinika bilan 1072 raqami orqali bog‘lanish mumkin.
Ishonch telefonlari orqali xabarlar butun kun davomida qabul qilinadi. 1003 orqali endi zarur tibbiy maslahatlar olish yoki Sog‘liqni saqlash vazirligi tizimiga aloqador xodimlar ustidan shikoyatlar qoldirish mumkin.
Ishonch telefonlari orqali maslahatlar anonim tarzda berilmaydi, deyiladi xabarda.
