Rio Tinto концерни (Австралия-Британия) ходимлари Жанубий Австралия Аргайл шахтасида ўта камёб бинафшаранг олмос топиб олишди. 

Ким ошди савдосида унинг нархи тўрт миллион доллардан ошиши мумкин, деб хабар бермоқда РИА Новости. 

“Бинафшаранг Аргайл” номи билан машҳур бўлмиш ушбу бриллиантнинг оғирлиги 2,83 қиротга тенг (бир қирот – тахминан 0,2 граммга тенг, таҳр.). 

Argyle pink diamonds компаниясининг ҳар йиллик ким ошди савдосида бу қимматбаҳо тош энг диққатга сазовор буюм бўлиши кутилмоқда. Унинг аниқ нархи ҳали белгиланмаган. Бироқ маҳаллий нашрларга кўра, харидорлар бинафшаранг Аргайл учун ҳар қирот учун бир миллиондан 2 миллион долларгача тўлашга тайёр. 

Rio Tinto маълумотига асосан, шахтадаги 32 йиллик меҳнат даври мобайнида ҳар йиллик ким ошди савдоларида бор-йўғи 12 қирот қайта ишланган бинафшаранг олмос тақдим этишга муваффақ бўлган, холос.