Раньери «Лестер»нинг чемпионлиги учун ёрдам берган «Челси» мураббийига миннатдорчилик билдирди

Спорт 03 Май 2016 2520

Лондоннинг «Челси» жамоаси бош мураббийи Гуус Ҳиддинк АПЛнинг 36-турида «Тоттенҳэм»га қарши кечган учрашувдан сўнг (2:2) «Лестер» устози Клаудио Раньери унга қўнғироқ қилиб миннатдорчилик билдирганини маълум қилди. Бу ҳақда «нафақахўрлар» жамоаси твиттерида хабар қилинган.

«Ўйин тугашидан кўп вақт ўтмай Раньери менга қўнғироқ қилди ва «Челси»нинг иккинчи бўлимдаги ўйини учун миннатдорчилик билдирди. Ўз навбатида, мен уни чемпионлик билан табрикладим.

Мавсум ўртасида турнир жадвалини бошқариш тасодифий бўлиши мумкин, аммо «Лестер» охиригача матонат билан курашди.

Мен Раньерининг кўз ёшларини кўрмадим. Чунки, суҳбат видеоалоқада эмасди. Аммо, унинг овози қалтираб чиқди. У беш марта раҳмат айтди», — дейди Ҳиддинк

Эслатиб ўтамиз, АПЛнинг 36-туридан ўрин олган марказий учрашувда «Челси» биринчи бўлимдан кейин «Тоттенҳэм»га 0:2 ҳисобида ютқазаётганди, аммо танаффусдан кейин мувозанат тикланди. Бу натижа туфайли «Тоттенҳэм» «Лестер»ни қувиб ета олмаслиги маълум бўлди ва Раньери шогирдлари ўз тарихларида илк марта Англия чемпионига айланишди.

The Sun хабарига кўра, Раньери чемпионлик учун 5 миллион фунт стерлинг миқдорида мукофот пули олади.

Мавсум якунига 2 тур қолганида «Лестер» 77 очко тўплади. Жамоани таъқиб этиб келган «Тоттенҳэм» эса 70 очко билан қолиб, биринчи ўрин учун курашни тўхтатди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71709 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37286 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21607 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81400 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61967 Жамият
Forbes: Бой бўлишдан уялмаган Малкольм Форбс
01:13 1279 Lifestyle
Зидан ҳеч қандай музокараларсиз «Реал» билан шартномани узайтиради
00:53 893 Спорт
Бразилияда бортида 70 киши бўлган паром чўкиб кетди
00:20 806 Жаҳон
Германиядаги йўл-транспорт ҳодисасида 44 руминиялик жабрланди
00:17 361 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 683 Маданият
Кўпроқ янгиликлар