Шимолий Корея ташқи ишлар вазирлиги мамлакат чегаралари яқинида АҚШнинг манёврларини душманларга хос ҳаракат ҳисобланишини айтди ва бунга жавобан ядровий салоҳиятини мустаҳкамлашга ваъда берди, деб хабар бермоқда РИА “Новости” ахборот агентлиги.

"Биз стратегиямизга оғишмасдан амал қиламиз: душман кучларининг тажовузкор урушига адолатли уруш билан, ядровий таҳдидларга эса ядровий кучларимизни мустаҳкамлаш билан жавоб берамиз. Душманлар ҳарбий манёвр ўтказган ҳар гал бизнинг ядровий зарба бериш имкониятларимиз шиддат билан мустаҳкамланиб боради", дейилмоқда баёнотда.

Аввалроқ БМТ Хавфсизлик кенгаши Шимолий Кореянинг ракеталар учириши бўйича учрашув ўтказиши маълум бўлганди.