Sky News: Башар Асад ИШИД билан ҳамкорлик қилади

Жаҳон 03 Май 2016 29923

Башар Асад раҳбарлигидаги ҳукумат ИШИД террорчилик ташкилотининг Суриядаги жангарилари билан ҳамкорлик қилиши маълум бўлди. Бу ҳақда Sky News нашри хабар тарқатган.

Маълум қилинишича, ташкилотдан қочиб кетган жангарилар орқали таҳририятга келиб тушган ҳужжатлар икки томон узоқ вақт давомида алоқада бўлиб турганини исботлайди.

Sky News томонидан билдирилишича, Пальмиранинг олиниши жангариларнинг ўз ихтиёри билан шаҳарни ташлаб кетиши туфайли юз берган. Бунинг эвазига Башар Асад ҳукумати жангариларга талофатсиз ва барча қурол-яроғларни олиб кетишига қўйиб берган.

Шунга ўхшаш ҳолат бошқа шаҳарлар қамали вақтида ҳам рўй берган: Сурия армияси ҳужумга ўтганида жангарилар ҳар сафар талофат бермасдан чекинишга муваффақ бўлган.

Бундан ташқари, нашрда Асад ҳукумати ва ИШИД ўртасида нефть савдоси амалга оширилгани бўйича маълумотлар аниқланган.

Ахборот агентлигининг қайд этишича, бу ҳужжатларнинг ҳақиқийлиги аниқлаш имконсиз. Бундан олдин ҳам шу каби манбалар орқали шунга ўхшаш маълумотлар тарқалган, лекин бу маълумотлар тасдиқланмаган.

Кўпроқ янгиликлар