«Барселона» раҳбарияти ва жамоа яримҳимоячиси Серхио Бускетснинг вакиллари ўзаро янги шартнома тузиш бўйича бир тўхтамга келишган. Бу ҳақда As нашри каталонияликлар клубидаги манбасига асосланган ҳолда хабар тарқатган.

Бускетс билан шартнома 21 май куни ўтказиладиган Испания Кубоги финалидан кейин узайтирилади. Шартнома яна 1 йилга узайтириш эҳтимоли билан 2019 йилгача тузилади.

Маълум қилинишича, Бускетснинг янги шартномага кўра йиллик маоши 16 миллион евро бўлади.

Бундан олдинроқ «ПСЖ» Бускетснинг трансфери учун 100 миллион евро таклиф қилган, «Барселона» эса солиқларни чиқариб ташлаган ҳолда 175 миллион евро талаб қилганди.