Францияда президентлик ва парламент сайловлари ўтадиган кунлар маълум қилинди

Жаҳон 04 Май 2016 5966

Францияда президентлик учун бўлиб ўтадиган сайлов куни эълон қилинди. Биринчи тур овоз бериш 2017 йилнинг 23 апрелида, иккинчиси - 7 майда бўлиб ўтади. Навбатдаги парламент сайловлари эса 2017 йилнинг 11-18 июнь кунлари давомида ўтказилиши белгиланган. Бу ҳақда 4 май куни ҳукумат вакили Стефан Ле Фоль маълум қилган.

Унинг вазирлар кенгашидаги ҳисобот вақтида қўшимча қилишича, Сенат учун сайловлар 2017 йилнинг 24 сентябрь кунида ўтказилади.

Айни вақтда бир қатор сиёсатчилар сайловда иштирок этиш истагини расмий равишда эълон қилган бўлиб, улар орасида Миллий фронт партияси етакчиси Марин Ле Пен ҳам бор. Сўровлар якунига кўра, унинг сайловнинг иккинчи турига чиқиш имконияти катта.

Ўнг марказчиларнинг “Республикачилар” партиясидан номзодлик учун Бордо мэри Ален Жюппе ва собиқ президент Николя Саркози кураш олиб оради. Уларнинг қай бири партиядан номзоди кўрсатилиши борасида ноябрда праймериз бўлиб ўтади.

Ҳукмрон Социалистлар партиясининг ички сайлови декабрда бўлиб ўтиши кутилмоқда. Президент Франсуа Олланд ҳозирча расмий равишда ўз номзодини келгуси сайловда қўйишни маълум қилмаган. Шунга қарамай, кузатувчиларнинг таъкидлашича, ҳозирданоқ овозларни йиғиш кампанияси бошлаб юборилган. Жумладан, 3 майда Олланд Францияда Халқ фронтига 80 йил тўлиши муносабати билан чиқиш қилиб, солиқларни камайтириш ва йил сўнггига қадар иқтисодий кўрсаткичларни яхшилашга ваъда берган.

Аммо амалдаги президентга айни вақтдаги имижини яхшилаши учун жиддий ишлашига тўғри келади. Чунки, март бошидан апрелга қадар ўтказилган тадқиқотлар натижасига кўра, Олланднинг фаолиятини ёқловчилар 14 фоиз, унинг фаолиятидан норози французлар эса 85 фоизни ташкил этиши кузатилган.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31916 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69336 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9495 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131812 Жамият
Ҳиндистондаги темир йўл фалокати қурбонлари сони 20 кишига етди
21:58 17 Жаҳон
Испания Франция билан чегарасида назоратни кучайтиради
21:53 22 Жаҳон
АПЛ. «Ливерпуль» қийин ғалабани қўлга киритди, 
21:50 237 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 751 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 4384 Спорт
Кўпроқ янгиликлар