Германияда истиқомат қилувчи эр-хотин танишув эълони воситасида ўз уйига чақирган аёлларга даврий равишда азоб бериб келган. 41 ёшли немис аёлининг ўлимига доир текширувларни олиб борган полициянинг ойдинлик киритишича, бу ҳодиса бир мартагина юз бермаган.

Бир неча йил муқаддам, қуйи саксониялик 33 ёшли аёл ҳам қотил жуфтлик қурбони бўлган. Ваҳшийларнинг азобидан аёлнинг жони узилгач, жиноятчилар унинг жасадини бўлакларга парчалаб музлатгач, каминда ёқиб юборишган. 

Прокурор Ральф Мейернинг сўзларига кўра, “жиноятчиларнинг биринчи қурбони доимий жисмоний азоблардан азият чеккан. Унга танасининг турли жойларига уриш билан азоб беришган, иситиш батареяларига боғлашган, ҳаракатланишдан чеклаб қўйишган. Баъзан у совуқ хонада ухлашга мажбур бўлган”.

Терговчи Ральф Остерманнинг айтишича, икки воқеа хусусида тафсилотлар аниқлангач, уларнинг иш жараёни янада жиддийлашган. Эндиликда терговчилар, қотиллар уйининг ҳар қаричини бедарак йўқолган бошқа аёлларга тегишли бирон ашёвий далилни қўлга киритиши эҳтимоли сабабли диққат билан кўздан кечиришга мажбур бўлишмоқда. Ральфнинг таъкидлашича, айни вақтда ҳуқуқ-тартибот идоралари ходимлари ушбу даҳшатли уйда бошқа аёллар ҳам ўлдирилмаганини ишонч билан айта олишмайди. 

Ушбу воқеалар Хёкстер шаҳрида юз берган бўлиб, жуфтликнинг фамилияларига ойдинлик киритилмаган. Уларнинг исмигина ошкор этилган – Вильфрид ва Ангелика. Уларнинг иккиси ҳам жиноятларини тан олган ва айни вақтда руҳий текширувлардан ўтмоқда.

Полициянинг фикрича, аёллар эр-хотин учун шунчаки жинсий кўнгилхушлик ва зўрлаш воситаси бўлишмаган, аслида улар хўрлаш ва азоблаш учун таклиф этилган.