Хитойнинг Tiens Group корпорацияси ўз ходимларига Испанияда жамоавий саёҳат уюштирди. 2,5 минг нафар ишчи Мадрид ва Барселонада бир ҳафта дам олади. Бу ҳақда EuroWeekly хабар бермоқда.

Tiens Group ходимлари Мадридга 4 май куни 20та рейсда етиб келади. Улар Испания пойтахтида 8 майга қадар бўлади, кейин икки кунга Барселонга йўл олади. 

Хитойдан ташриф буюрувчилар учун меҳмонхоналарда 1650та номер банд этилган. Саёҳатчиларга 70та автобус хизмат кўрсатади. Бундан ташқари, Мадрид ва Барселона ўртасида ҳаракатланиш учун компания тўртта AVA тезюрар поездларини ижарага олди.

Фирма ушбу дам олиш саёҳатини ташкил этиш учун етти миллион евродан ортиқ маблағ сарф этди. 

Tiens Group 2015 майда ҳам ўз ходимлари учун хорижда тўрт кунлик корпоратив уюштирган. Ўшанда корпорация ходимларидан 6,4 минг нафари Францияда дам олган. Улар Лазур қирғоқларига 84та самолётда етиб олган ҳамда Канн ва Монако орасидаги 79та меҳмонхонага жойлашганди. 

Tiens Group 1995 йили Хитойда ташкил этилган. Компания био фаол қўшимчалар ва массажёрлар ишлаб чиқариш билан шуғулланади.