Италия олий кассацион суди қарорига биноан, энди бу мамлакатда оч қоринни тўйдириш мақсадида маҳсулот ўғирлаш жиноят ҳисобланмайди. 

Daily Mail хабарига кўра, ушбу мазмундаги қарор 2011 йили 6 ой қамоқ ва 100 евро миқдорида жарима билан жазоланган украиналик Роман Остряковнинг ишини кўриб чиқиш якуни бўйича қабул қилинди. Остряков Генуи супермаркетидан умумий қиймати 4 евродан сал ошиқроқ бўлган икки бўлак пишлоқ ва сосиска ўғирлагани учун қўлга олинган эди. 

Украиналик “очликни қондириш табиий эҳтиёжини қондириш” важидан ў-ирликка қўл урган, шунинг учун, суд қарорига кўра, унинг ҳаракатлари жиноят ҳисобланмайди, деган қарорга келишди.

Шу ўринда юртимизнинг айрим супермаркет ва дўконларида нон маҳсулотлари бўлимида бепул нон тарқатиладиган махсус жой борлигини эслатиб ўтамиз. У ерда “агар нон олишга пулинг бўлмаса, уни текинга ол” ёзувини учратиш мумкин.