Испания пойтахти Мадрид шаҳрида келгуси йилда гастрономик кутубхона очилади. Бу ҳақида ТАСС мухбирига Мадрид мэри Мануэла Кармена маълум қилди.

Унинг сўзларига кўра, "яқин орада Испания пойтахтининг жуда кўркам тарихий марказида гастрономик кутубхона очилади".

"Бу бутун дунё гастрономия ҳамда овқатланишга оид саволларига китоблардан жавоб топа оладиган жой бўлади", - деди мэр.

У марказ доирасида овқатланиш бўйича сабоқ берилувчи махсус ресторанлар очилишини таъкидлади. 

Карменанинг маълум қилишича, мазкур кутубхонада ҳар бир бош ошпаз "ўз рецептларини тақдим қила олади". 

Мэр ушбу марказнинг Каса де кампо хиёбони яқинидаги қирол Филипп  II қурдирган тарихий бинода жойлашишини қайд этиб ўтди. 

Кармена қироллик пойтахти ҳар бир сайёҳнинг ҳордиқ чиқариши учун барча имкониятларни яратишини билдирди. 

"Мадрид - тарихий шаҳар, у саройлар, музейлар ва бошқа кўнгилочар масканларга тўла. Бизнинг меҳмонхоналаримиз кенг тармоқли. Бу ҳатто тунда бир ўзингиз сайр қилишингиз мумкин бўлган жуда хавфсиз шаҳар, шунингдек бу ерда тарнспорт тизими яхши йўлга қўйилган", - қўшимча қилди мэр.