McDonald's компаниясининг энг кекса ходими Сингапурда хизмат қилаётган 92 ёшли Гох Гвек Энг эканлиги аниқланди, деб хабар беради Metro. Унинг беш нафар фарзанди, 10та набираси ва 20та эвараси бор.

Маълум бўлишича, кекса аёл cўнгги 18 йил давомида McDonald's ресторанида хизмат қилиб келмоқда. Гох Гвек Энг фарзандлари ота-она уйини ташлаб кетишганидан сўнг, 1998 йилда компанияга ишлаш учун ташриф буюради. 

«Энди фарзандларим оила қургач, ўз иши, ҳаёт ташвишлари билан овора бўлиб қолишди. Улар кетгач, уйим ҳам ҳувиллаб қолган», – дейди Гох Гвек Энг. Аёл ишлайдиган McDonald's ресторани унинг уйига яқин ҳудудда жойлашган.

Ёши улғайиб қолганига қарамай, McDonald's ходимаси яқин кунларда нафақага чиқишни режалаштирмаган. У соғлиғидан шикоят қилмагунга қадар ишлашда давом этаверишини, шунингдек, баъзан чарчаб қолганида ҳамкасблари доим ёрдамга тайёр эканлигини таъкидлаб ўтди.