Россия президенти Владимир Путин мамлакат мудофаа вазири Сергей Шойгунинг ўринбосарлари, Бош штаб бошлиғи Валерий Герасимов ҳамда фронт раҳбари Дмитрий Булгаковни Россия Қаҳрамони унвони билан тақдирлаш ҳақидаги фармойишини имзолади. Бу ҳақда хабар берган «Коммерсантъ» нашрида айтилишича, январь ойида ўлими ҳақида маълум қилинган Бош разведка бошқармаси директори, Россия Қуролли кучлари Бош штаби раҳбари ўринбосари генерал-полковник Игорь Сергунга ҳам шу унвон берилган

Манбанинг ёзишича, уларни расман тақдирлаш маросими 9 май куни бўлиб ўтади.

Бунгача Суриядаги ҳарбий кампаниядаги иштирок учун 6 нафар ҳарбийга унвонлар берилганди. Улар орасида Марказий ҳарбий округ штаби бошлиғи Александр Дворников, ҳарбий разведкачи Вадим Байкулов, катта штурман Виктор Романов, авиация эскадрилияси бошлиғи ўринбосари Андрей Дьяченко номлари бор. Бундан ташқари, ўлимидан кейин Су-24М учувчиси Олег Пешков ҳамда март ойида ҳалок бўлган катта лейтенант Александр Прохоренко мукофотланган.