Россия Мудофаа вазирлиги маълум қилишича, Сурия ҳудудидан мамлакат ҳарбий ҳаво кучларига тегишли барча Су-25 русумли самолётлар олиб чиқиб кетилган. Бу ҳақда вазирлик матбуот хизмати раҳбари, генерал-майор Игор Конашенковга асосланиб РИА Новости хабар тарқатган.

"Биз Хмеймим авиабазасидан самолётларни олиб кетиш маросимини ўтказдик. Бугун бомбардимончи самолётлар, штурмовиклар ҳамда Су-25 самолётлари ортга қайтарилди. Энди Сурияда Су-25 самолёти қолмади", деган у.

Унинг аниқлик киритишича, бу сафар авиабазадан 30дан ортиқ учиш қурилмаси ҳамда каттагина шахсий таркиб олиб кетилган.