Мадриднинг "Реал" клуби бош мураббийи Зинедин Зидан Чемпионлар Лигаси яримфиналининг "Манчестер Сити"га жавоб учрашувидан кутаётган натижалар ҳақида ўртоқлашди.

"Агар биз финалга бормасак, бу ҳалокат бўлади. Жамоа яхши кўринишда ва биз финалга чиқиш учун барча имкони бор нарсани қиламиз, бироқ бу қийин бўлади. Ҳаттоки биринчи ўйиндагидан ҳам қийин бўлади, чунки ҳаммаси бу гал ҳал бўлади.

Биз барча саволларни "Вольфсбург" билан бўлгани каби 15 дақиқада ҳал қиламиз деб ўйламаяпмиз. Биз бутун 90 дақиқа ва ҳаттоки ундан кўпроқ вақт давомида ишлашимиз керак бўлади.

Жамоа оғир ўйинга тайёр бўлиши керак. Яхши футбол кўрсатишга, босим ўтказишга ва ҳақиқий яримфинал учрашувига хос суръатда ўйнашга ҳаракат қиламиз.

Мен Агуэрони ҳурмат қиламан, у "Сити"нинг энг муҳим ўйинчиси, бироқ биз уни тутиб туриш учун алоҳида ҳаракатлар амалга оширмаймиз. Бизга меҳмонга жуда яхши жамоа келмоқда, бироқ биз финалга чиқишга уриниб кўрамиз", деб айтди "Реал" бош мураббийи.

Эслатиб, ўтамиз икки жамоа ўртасидаги учрашув 4 майда Тошкент вақти билан соат 23:45 да бошланади.