10-11 май кунлари Афғонистон Ислом Республикаси президенти Муҳаммад Ашраф Ғаний Тожикистонга расмий ташриф уюштиради. 

Икки томонлама алоқаларнинг барча йўналишларида Афғонистон ҳамкорлиги Тожикистон ташқи сиёсатининг муҳим бўғини ҳисобланади. Бу ҳақда Афғонистон президенти Ашраф Ғанийнинг режалаштирилган ташрифи олдидан Тожикистон ташқи ишлар вазирлиги маълум қилди.  

Бу Ашраф Ғанийнинг 2014 йил октябрда президентликка сайланганидан кейин Тожикистонга биринчи ташрифи бўлади. 

12 май куни расмий ташриф ниҳосига етгач, Афғонистон президенти Тожикистон, Қирғизистон президентлари ҳамда Покистон бош вазири билан биргаликда CASA-1000 энерголойиҳаси қурилиши бошланиш маросимида иштирок этади. 

12 куни, шунингдек, Афғонистон бош ижрочи вакили Абдулла Абдулланинг ташрифи ҳам кутилмоқда. 

Икки мамлакатнинг ўзаро дипломатик алоқалари 1992 йилнинг 15 июлида ўрнатилган.