АҚШ фуқаролари охирги 5 йил ичида 50 дан кўпроқ қирғиз боласини фарзандликка олди

Жамият 05 Май 2016 28661

АҚШ фуқаролари охирги 5 йил ичида Қирғизистондан ота-оналар қаровисиз қолган 54 болани фарзандликка олган, деб хабар берди 5 май куни Қирғизистон меҳнат ва ижтимоий ривожланиш вазири Худойберген Бозорбоев.

"5 йил ичида АҚШ фуқаролари Қирғизистонда боқиб олувчилар топилмаган 54 болани фарзандликка олди. Бола оилада яшаб, тарбияланиш ҳуқуқига эга", деб айтди вазир. Вазир давлат учун қирғизистонликлар томонидан фарзандликка олиш устувор ҳисобланишини таъкидлаб ўтди. Шу давр ичида қирғизистонликлар томонидан 5,5 мингдан кўпроқ бола боқиб олинган.  

Вазирлик АҚШ элчихонаси билан қирғиз болаларининг АҚШ оилаларида яшаш шароитларини мониторинг қилиб боради. Мамлакат парламенти депутатлари ва вазирлик ходимлари видеоалоқа ёрдамида боқиб олинган болалалар билан суҳбатлашишган.

"Видеоалоқада парламент депутатлари, ташқи ишлар вазирлиги, бош прокуратура, омбудсмен аппарати вакиллари ҳамда "Болалар ҳуқуқларини ҳимоя қилиш лигаси" жамоатчилик фондининг директори Нозгул Турдубекова, АҚШдан эса 10 оила иштирок этди", деб маълум қилинди вазирлик матбуот хизматида.

Хусусан, видеоалоқага Қирғизистондан 4 нафар ака-сингилни боқиб олган оила ҳам чиқди. Айни вақтда болалардан каттаси турмушга чиққан ва ўз фарзандини вояга етказмоқда. Болаларнинг янги ота-оналари улар АҚШга келгандан кейин эришган муваффақиятлари билан ўртоқлашдилар. Барча АҚШ оилалари фарзанд боқиб олишгандан кейин қандайдир имтиёзлар ёки ижтимоий нафақалар олиш учун давлатга мурожаат қилишмаганини таъкидлаб ўтишди. 

Халқаро фарзандликка олиш жараёни Қирғизистонда 2013 йил охирида болаларни хорижликларга фарзандликка беришдаги можаролар ҳамда фирибгарлик ва коррупцион схемалар фош қилингани сабабли тўхтатилгандан кейин яна қайта йўлга қўйилган. Бу можаролар ортида Қирғизистоннинг собиқ ижтимоий ривожланиш вазири Равшан Собиров халқаро фарзандликка олиш соҳасида фаолият юритган хорижий компаниядан 20 минг доллар пора сўрагани учун 5 йилга озодликдан маҳрум этилганди.

Кун янгиликлари
Ғайриқонуний ҳукм ёхуд суд устидан кимга шикоят қилиш керак?
09:52 / 21.07.2017 29386 Жамият
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 91057 Жамият
Пентагондагилар Россия ва Эрон Сурияда рақобат бошлаши ҳақида айтишди
11:25 619 Жаҳон
АҚШ Сенати Москва, Теҳрон ва Пёнгянгга қарши ягона санкцияни қўллаб-қувватламаслиги мумкин
11:15 661 Жаҳон
Пентагон: Асад ҳарбийлари кимёвий қурол қўлламаяпти
11:00 1079 Жаҳон
Макрон французлар ишончини йўқотмоқда
10:45 2061 Жаҳон
Ўзбекистонда киберспорт йўналишида профессионал жамоалар тузиш учун саралаш турнирлари ўтказилади
10:30 1229 Спорт
Сурия армияси Фротнинг жанубий қирғоғига чиқди
10:15 1945 Жаҳон
Ўзбекистон ҳарбийлари Халқаро армия ўйинларида иштирок этиш учун Хитойга етиб борди
Ғазо секторидан Исроилга ракета учирилди
09:45 2590 Жаҳон
Кўпроқ янгиликлар