Хитойнинг Хунан провинциясида қўлида 15та, оёқларида 16та бармоғи бор бола дунёга келди. Яна чақалоқнинг ҳар бир қўлида иккитадан кафти бор ва уларнинг бош бармоқлари йўқ. Бу ҳақда CNN телеканалига таяниб РИА Новости хабар бермоқда. 

Чақалоқнинг ота-онаси жарроҳлик амалиёти учун зарур бўлган 30 минг долларни тўплашга ҳаракат қилмоқда. Интернет орқали улар олти минг доллар тўплашга муваффақ бўлишди. Шифокорлар бундай катта миқдорда пул талаб қилганларига сабаб, улар чақалоқда бош бармоқлар ҳосил қилишлари керак.

Ғаройиб чақалоқнинг онасида ҳам полидактиктия аломатлари бор: унинг қўл-оёқ бармоқлари олтитадан. 

Полидактилия (кўпбармоқлилик) – ҳар беш мингта чақалоқдан биттасида учрайдиган анатомик ўзгариш. Одатда ортиқча бармоқ болаликдаёқ олиб ташланади. 

Опра Уинфри ва Ҳолли Берри машҳурлар ҳам “сербармоқ” бўлган. Рекорд эса ҳиндистонлик Акшат Саксенга тегишли – унинг умумий ҳисобда 34та (еттитадан қўлларида ва ўнтадан оёқларида) бармоғи бор.