Кенияда олти қаватли турар жой биноси қулаб тушганига олти кун бўлганда вайроналар орасидан бир аёл қутқарилди. Бу ҳақда Reuters хабар бермоқда. 

Эслатиб ўтамиз, 29 апрель куни кучли жала-ёмғирлар оқибатида кўп қаватли бино бузилиб тушган.

Ҳалокатдан тўрт кун ўтиб эса ушбу вайроналар орасидан 6 ойлик чақалоқ тирик топилганди

Уйнинг қулаши оқибатида камида 29 киши ҳалок бўлган. 120 кишини қутқаришга муваффақ бўлинган. 93 киши эса бедарак йўқолган деб ҳисобланмоқда.