Клаудио Раньери: «Маҳрез – бизнинг осмон, Варди эса унда парвоз қилувчи самолётимиз»

Спорт 05 Май 2016 3104

«Лестер» жамоаси бош мураббийи Клаудио Раньери АПЛнинг 37-турида «Эвертон»га қарши кечадиган учрашув олдидан ўтказилган матбуот анжумани вақтида чемпионликдан кейинги ҳиссиётлари ҳақида сўзлаб берди.

«Мен бундай бўлишини тасаввур қилмагандим. Лекин биз чин дилдан ишладик. Ҳамма ҳам шундай қилганига шубҳам йўқ, лекин ғолиб битта бўлади. Бу сафар бу бизга насиб этди.

Бу менинг қисматим. Мен бу муваффақиятга эришиш учун жуда кўп меҳнат қилдим. Бу ўзига хос ҳодиса бўлди. Бунинг учун футболчиларга, президентимизга, ходимларга ва мухлисларга миннатдорчилик билдираман. Президентимиз жамоада хотиржамлик ва ижобий муҳит юзага келишини таъминлади. Биз уни ҳеч қачон асабий ҳолда кўрмадик. Мен учун бу жуда муҳим эди.

Менинг эртагим қуйи лигадаги «Кальяри»да бошланганди. Мана энди мен АПЛни ютдим –  яна қандай жамоа билан денг, «Лестер» билан. Мен энди бундан кейин биронта букмекерга ишонмайман. Бу мавсумда улар жуда қаттиқ янглишдилар.

Менга катта номлар керак эмас ва мен ундайларни жамоанинг кийим алмаштириш хонасида кўришни истамайман. Менинг ўз йигитларим бор – улар алоҳида. Бизнинг сафимизга келадиган футболчи бизга мослаша олиши керак бўлади.

Мен «Тоттенҳэм» ва «Челси» баҳсини томоша қилдим. Танаффус вақтида менда тушлик вақти эди. Мен хотиржам эдим, иккинчи гол урилгач эса кўкка сапчий бошладим.

Мэттью Жеймс (жамоанинг ижарадан қайтган футболчиси - таҳр) тайёр. Балки, уни эртанги ўйинга ўзим билан олиб кетарман.

Агар Маҳрез – бизнинг чароғон осмонимиз бўлса, Варди – ундаги парвоз қилувчи самолётимиз, у бизнинг қироллигимизнинг ҳарбий-ҳаво кучлари.

Қачонки барчаси жойида бўлса менга матбуот анжуманлари ёқади. Мен журналистларни ҳурмат қиламан, уларнинг иши енгил эмас.

Мухлислар ҳақида ҳам гапирсам. Улар ухлашга ётишади ва туш кўришади. Мен дили-динь, дили-дон дея афсун сўзларимни айтаман ва улар уйғониб, тушлари ҳақиқатга айланганига гувоҳ бўлишади.

Мен мутафаккирман, шунчаки ёмон ҳунарманд эмас [инглизча сўз ўйини: Thinkerman, not Tinkerman]», – дейди Раньери.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20624 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49600 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3081 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 1714 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 3495 Жаҳон
Хитой хорижий инвестицияларга чеклов жорий қилди
23:08 / 21.08.2017 2052 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3145 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3290 Технология
Лотин алифбосидан кимлар қўрқади?
22:45 / 21.08.2017 4792 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 4390 Ўзбекистон
Кўпроқ янгиликлар