Буюк Британия пойтахти Лондон шаҳрида маҳаллий вақт билан соат 07:00да (Тошкент вақти билан соат 11:00да) шаҳар мэри ва Лондон ассамблеяси учун сайловлар бошланиб, сайлов участкалар очилди.

Сайловдаги асосий кураш Лондон мэрлиги учун кечиши кутилмоқда. Номзодлар орасида лейбористлар партияси вакили, собиқ транспорт вазири Содиқ Хон ҳамда консерваторлар вакили, ЕИга ишончсизлик билан қаровчи гуруҳ тарафдори, ҳозирги мэрнинг издоши Зак Голдсмит яққол ажралиб турибди.

Сайловлар шаҳарнинг 32та туманида, Лондон Ситида, шунингдек, Лондонда истиқомат қилувчи Европа Иттифоқи аъзолари ҳамда Британия Ҳамдўстлиги мамлакатларининг фуқаролари учун ташкил этиладиган сайлов участкаларида ўтказилади. Сайловда иштирок этиши учун 6 миллион нафардан ортиқ киши рўйхатга олинган. Овоз беришлар кун охиригача, маҳаллий вақт билан кечки соат 22:00гача давом этади. Сайлов натижаларини ҳисоблаш ишлари 6 май куни эрталаб соат 08:00да бошлаланди. Шу куни кечаси натижалар эълон қилинади.

Лондонликлар бугун мэрдан ташқари шаҳар ассамблеяси учун 25 вакилни сайлашлари керак бўлади. Бугун Шотландия, Уэльс ҳамда Шимолий Ирландия парламентлари учун ҳамда бошқа маҳаллий сайловлар бўлиб ўтади.