Мираброр Усмонов "Спорт" каналига интервью берди

Спорт 05 Май 2016 25487

Ўзбекистон футбол федерацияси президенти Мираброр Усмонов футзал бўйича Ўзбекистон чемпионатининг ярим финал учрашувидан кейин “Спорт” телеканалига интервью берди. Бу ҳақда Ўзбекистон футбол федерацияси расмий сайти хабар берган.

4 май куни Ўзбекистон футбол федерация президенти, Ўзбекистон олимпия қўмитаси президенти Мираброр Усмонов “Ардус” ва “Дўстлик” жамоалари ўртасида кечган ярим финал учрашувини томоша қилиш учун “Ўзбекистон” спорт мажмуасига ташриф буюрган.

Ўйин тугагач, Мираброр Усмонов “Спорт” телеканали журналисти Зоҳид Каримовга экслюзив интервью берган. 

Интервью чоғида Усмонов футзалнинг Ўзбекистонда тобора ривожланиб бораётганлиги, футзал бўйича жаҳон чемпионати ҳақидаги саволларга жавоб берар экан, спортнинг ушбу тури оммалашиб бораётганлигини алоҳида таъкидлаб, жумладан, шундай деди:

“Футзал бўйича Ўзбекистон терма жамоасининг жаҳон чемпионатига йўлланмани қўлга киритиши ўз-ўзидан бўлгани йўқ. Бу ютуқнинг ортида энг аввало ҳукуматимизнинг спортни ривожлантиришга кўрсатаётган ғамхўрлиги, Ўзбекистон Футбол Федерацияси ва Футзал Уюшмаси томонида амалга оширилган катта ҳажмдаги ишлар, ишқибозларнинг қўллаб-қувватлаши, ОАВ, хуллас, каттадан катта меҳнат ётибди, десам адашмаган бўламан.

Бугун Ўзбекистондаги туман ва шаҳарларга боринг, ёшлар спорт билан шуғулланаётганини кўрасиз. Мини-футбол майдонлари ҳар бир маҳаллага кириб борди ва ҳар куни шу майдонлар футболсевар халқимиз билан гавжум. Фарзандлари соғлом юрт эса, қудратли бўлади”.

Мираброр Усмонов, шунингдек, футзал бўйича Тошкентда бўлиб ўтган Осиё чемпионати ҳақидаги саволга жавоб бераркан, ишқибозларнинг жонкуярлигидан ҳайратда қолганлигини айтиб ўтди.

“Одамлар нафақат футзалга келишни, футзал кўришни бошлади, балки турли мусобақаларда дунёни ҳавас қилдирадиган даражада мухлислик қилишни бошлади.

Футзалчиларни нафақат таний бошлади, балки уларни ўзларига кумир қилиб олди. Тошкентдаги Осиё чемпионатида бизнинг мухлислар шунақа чиройли муҳитни яратиб беришдики, ОФК эътирофи ўз йўлига, мен улар ичида ўтирган бир ўзбекистонлик сифатида улар билан фахрландим. Терма жамоамиз бундай мухлисликдан кейин жаҳон чемпионатига чиқмаса бўлмасди”, - дейди Мираброр Усмонов.

Мираброр Усмонов, шунингдек, миллий терма жамоа мавзусидаги саволларга ҳам жавоб бераркан, жаҳон чемпионатига чиқиш вақти келганлигини айтиб ўтди.

“Биз терма жамоаларга уларнинг халқаро мусобақаларда муваффақият қозониши учун етарли шарт-шароитларни яратиб бердик. Пойдевор қурдик. Замин ҳозирладик. Энди, жаҳон чемпионатига чиқиш вақти келди ва биз бунинг учун бор имкониятимизни ишга соламиз”, - дейди федерация президенти.

Мираброр Усмоновнинг интервьюси ушбу ҳафтада “Спорт” телеканалида намойиш этилади.

Кун янгиликлари
МХХ 2 тоннадан ортиқ гиёҳвандлик воситаларини ёқиб юборди
16:00 / 23.06.2017 22343 Ўзбекистон
Қозоғистонда ЙТҲ туфайли ҳалок бўлган ўзбекистонликлар рўйхати эълон қилинди 
12:46 / 23.06.2017 60309 Ўзбекистон
Салоҳиддин Шарипов: “Ҳалол луқма – инсон саодатининг калитидир”
22:51 / 22.06.2017 26743 Жамият
Хайрулла Ҳамидов: “Огоҳлантиришсиз чалинган қўнғироқ”
16:13 / 21.06.2017 65734 Спорт
Коллеж битирувчиси иш изловчи эмас, иш берувчи бўлади
23:33 / 23.06.2017 495 Жамият
Aston Martin гиперкарида от кучлари сони килограмм кўрсаткичларидан ҳам кўпроқ бўлади
23:04 / 23.06.2017 866 Технология
 Зинедин Зидан — 45 ёшда (фото)
22:54 / 23.06.2017 1926 Спорт
Ўзбекистонда 2016 йилда қанча наркожиноятлар фош этилгани маълум  
22:36 / 23.06.2017 1128 Жамият
Ислом маданияти маркази бинолари қурилишига Алишер Усмонов ҳомийлик қилади
22:36 / 23.06.2017 6552 Ўзбекистон
Бепарво она «Ўрикзор» бозорида болаларини автомашинаси ичида қаровсиз қолдирди
22:31 / 23.06.2017 11103 Жамият
Кўпроқ янгиликлар